Llwybr i Bosibiliadau Di-ben-draw
Yng Nghymru ceir rhai o fwytai, gwestai a busnesau lletygarwch gorau a mwyaf unigryw’r Deyrnas Unedig. O fwytai a chanddynt sêr Michelin i letyau moethus, mae lletygarwch yn llwybr gwych i yrfa tymor hir.
Mae'r sector lletygarwch yng Ngogledd Cymru yn cynnig mwy o lwybrau gyrfa nag y byddech chi'n ei ddychmygu ac mae'r dewis yn ddi-ben-draw. Mae gyrfaoedd ym maes lletygarwch yn amrywiol a chyffrous a gallant roi sgiliau trosglwyddadwy i chi a fydd yn eich paratoi ar gyfer bywyd.
Mae sawl mantais i addysg ym maes lletygarwch ac mae'n cynnig pob math o bosibiliadau i'r dyfodol. Dyma rai o'r sgiliau y gallech chi gael budd ohonynt:
Un o'r pethau gorau am yrfa ym maes lletygarwch yw'r profiad ymarferol a geir. Nid yn yr ystafell ddosbarth yn unig y cynhelir y rhan fwyaf o'r rhaglenni dysgu ac maent yn cynnig cyfleoedd i gael profiad ymarferol dan law gweithwyr proffesiynol yn y diwydiant.
Gallai gweithio yn y diwydiant lletygarwch eich arfogi ag amrywiaeth o sgiliau y gellir eu trosglwyddo i swyddi eraill yn y sector. O reoli cyfryngau cymdeithasol i reoli gwesty, mae'r posibiliadau'n ddi-ben-draw.
Er bod llawer o gyfleoedd i weithio yn y diwydiant lletygarwch yng Ngogledd Cymru, bydd eich profiadau yn fyd-eang. Bydd cyfarfod â phobl newydd yn gyson a chael profiadau amrywiol yn arwain at ymwybyddiaeth ddiwylliannol y gellir ei throsglwyddo i unrhyw yrfa.
Bydd cyfarfod â phobl newydd a gweithio gyda'r cyhoedd yn eich galluogi i feithrin sgiliau cyfathrebu cryf. Mae'r sgiliau rhyngbersonol hyn yn hanfodol i bob agwedd ar eich bywyd, a byddant o fudd i chi yn eich bywyd personol a phroffesiynol.
O ran gyrfaoedd ym maes lletygarwch, mae mwy nag un llwybr i lwyddiant. O brentisiaethau i gyrsiau lefel gradd, dilynwch y llwybr sy’n addas i chi.
Camau nesaf...
| 16-18 oed | 18+ oed | |
| Prentisiaethau Lefel 2-5 |  |
|
| Prentisiaethau Graddau Lefel 6 |  |
|
| Cyflogaeth | |
|
| Addysg Bellach (Lefelau A, BTEC, neu, cymwysterau Lefel 3 eraill) | |
|
| Addysg Uwch (Brifysgol) | |
|
| Blwyddyn i ffwrdd | |
|
| Twf Swyddi Cymru (16-19 oed) | |
|
| Hunangyflogaeth/Entrepreneur | |
|
| Gwirfoddoli | |
|
Ffynhonnell: Partneriaeth Sgiliau Rhanbarthol Gogledd Cymru, Llwybrau i'ch Dyfodol
Cynllun Sgiliau Rhanbarthol
Mae llawer o adnoddau ar gael i bobl ifanc yng Ngogledd Cymru i'ch grymuso i wneud y dewis gyrfa cywir.
Mae'r Cynllun Talent Twristiaeth yn gweithio mewn cydweithrediad â Grŵp Llandrillo Menai, Gyrfa Cymru a'r Bartneriaeth Sgiliau Rhanbarthol.
Gall Gyrfa Cymru eich helpu i gynllunio eich llwybr gyrfa a'ch cefnogi i ddod o hyd i'r cyrsiau a'r swyddi cywir.
Ewch i'r Wefan
Mae Llandrillo Menai yn darparu ystod eang o lwybrau dysgu o brentisiaethau i gyrsiau lefel gradd.
Ewch i'r Wefan
Mae gan y Bartneriaeth Sgiliau Rhanbarthol lawer o adnoddau defnyddiol sy'n rhoi sylw i'r meysydd twf allweddol yng Ngogledd Cymru.
Ewch i'r Wefan
P’un a ydych yn unigolyn neu’n gyflogwr o unrhyw faint, gallwch ddefnyddio’r Portal i weld y cyfleoedd sydd ar gael yng ngogledd Cymru.
Ewch i'r Wefan